Pages

Featured Posts

Wednesday, July 9, 2014

အရင်ကလည်း ဒီဝါကျပါပဲ ( ငြိမ်းစိုးဦး)


အာကာကို လွှာပုံပြုလို့ မေယုကိုတဲ့ စုတ်တံချီ
ဒီအကွက်တွေ ရိုးနေပြီလို့ အများက သိကြပါတယ်
လျှပ်လက်တာကို မြင်ပြီး နေမင်းကို မေ့ပစ်သလို
စစ်ပွဲရဲ့ အသက်ဟာ လက်နက်နဲ့ အနိုင်ယူမှု
တီကောင်က ငါးကိုတော့ ရစေနိုင်ပါတယ်
ပြည်သူလူထုရဲ့ အသက်ဟာ ငြိမ်းချမ်းရေး
ဘရိတ်မပါတဲ့ ယာဉ်ကို မစီးရဲတာ အပြစ်ဆိုမှာလား
တော် တော် ငံ နိုင် တဲ့ နိုင် ငံ တော် တော်
ရေငတ်မပြေအောင် အာဏာတွေ ငတ်နေကြ
လမ်းမှာ ကလေးတွေက ဝမ်းစာ ရှာနေကြတယ်
လေအေးစက်နဲ့ လူကြီးတွေက တွက်ချက်နေကြတယ်
အများက သူခိုးကို ဖမ်းချင်ကြပါတယ်
တရားခံကို ရှာပါ ။ ဝေ ဝူ ၊ ဒူ ဝူ ဝူ ၊ နောင် ဝေ ဝေ
ခိုးထပ်လို့ ထပ်ခိုးမှာ ထိုးခတ် နေ
မီးအိမ်တို့ ကွဲပြားသော်လည်း အလင်းရောင်က
အတူတူပါ ... ဟု Rumi ကပြောပါသည် ။
ဖွေးဖွေးလက်နေတာ အလင်းတွေလား ၊ အစွယ်တွေလား
မြင်နေရတာတွေက အစစ်တွေလား ၊ စစ်တွေလား
ပလာစတာကပ်ပြီး စတာပလာနဲ့ချုပ်လို့ အမြတ်ထုတ်တာလား
အာဏာရှင်က သိမ်းသွားတဲ့ ဘဝကို ပြန်ရွေးလို့ ရနိုင်ပါ့မလား
ဘယ် ညာ ဘယ် ညာ ယိမ်းဟာ ရသေ့ရှစ်သောင်းထက် များခဲ့ပြီ
နှလုံးသား မှုန်ခြင်း တုန်ခြင်း သီးခံပါ
ရွေးချယ်စရာ မေတ္တာ မာဆင့်တွေ များမှများ ... ။

ငြိမ်းစိုးဦး
သိတတ်လို့ တတ်သိပြီး သတ္တိတွေ တိုးပါစေ
ငြိမ်းချမ်းမှုများ စိုးမိုးလျက် ပညာဖြင့် ဦးဆောင်နိုင်ကြပါစေ ...
( 8 : 7 : 2014 )

Sunday, June 15, 2014

ရိုး ရှင်း ရန် (ငြိမ်းစိုးဦး)



ရိုး ရှင်း ရန်

မိဘတို့စကား နားမှာစွဲ ... ။
ဖက်ဆစ်စနစ် ခေတ်ပျက်တုန်းမှာ
ဘယ်နေရာမဆို ဘယ်အချိန်မဆို
သူတို့အလိုမကျရင် ရိုက်ပုတ်
ဖမ်းဆီး ချုပ်နှောင် ရေနွေးပူလောင်း
လက်သည်း ခြေသည်း အခွံခွာ
ဒို့မြန်မာတွေ အသေနာခဲ့ရသတဲ့ ။
ငတ်မွတ် ကျပ်တည်းမှုတွေကြား
အသားထဲက သန်းကြီးမတွေ ထွက်လာသလား
ဝဲနာ ယားနာတွေထူ
လူတွေ အငြိမ်မနေရဘူး ... တဲ့ ။
အမြီးပြတ် , ခွေးရူးတွေဟာ
လူတွေကို ကိုက်တတ်ပါသတဲ့ ။
ပြည်မြန်မာရဲ့ ခုချိန်ခါ
သန်း မဟုတ်တော့ပေမယ့်
အပြုတ်ခြွေတဲ့ ဟင်္သာကိုးသောင်းဇာတ်ဆောင်
အစိမ်းရောင်ထုတ်ကုန်တွေ တဖွားဖွား
လောက်များက အသားထဲမှာ အလန်း
Alarm ပေးထားသလို အသိနဲ့
မငြိမ်းသေးတာတော့ သေချာ
မငြိမ်သေးတာလည်း သေချာ ... ။

ငြိမ်းစိုးဦး
သိတတ်လို့ တတ်သိပြီး သတ္တိတွေ တိုးပါစေ
ငြိမ်းချမ်းမှုများ စိုးမိုးလျှက် ပညာဖြင့် ဦးဆောင်နိုင်ကြပါစေ ...
( 15 : 6 : 2014 )

Wednesday, June 4, 2014

ဓီရ်မိုခရေဇီ

 
    ဓီရ်မိုခရေဇီ

- တရားပွဲတွေနဲ့အပြိုင်
မတရားမှုတွေ ထွန်းကားတယ်။

- Sky Net ကိုမကြည့်ရဲ
သမ္မတကြီးမိန့်ခွန်းတွေနားမထောင်ရဲ
မိဘပြည်သူများလို့အခေါ်ခံရမှာကို
သွေးပျက်လာတာမဆန်းဘူး…။

- ကျေးဇူးပြုပြီး
ချစ်ခြင်းမေတ္တာအကြောင်းပြောစမ်းပါ
အမုန်းစကားတွေပါလာရင်
အဲ့ဒီပါးစပ်ထဲကို
ပန်းပွင့်တွေအဆုပ်လိုက်
ပစ်ထည့်ချင်လာလို့
အသေခံဗုံးခွဲသမားတစ်ယောက်လို။

- ဒီမှာက လူ့အခွင့်အရေးဆိုတာ
လူသေကောင်ရဲ့မျက်ရည်…
မံမီတွေရဲ့ တေးသွား…
ပြိတ္တာတို့ရဲ့ ရယ်သံလွင်လွင်…။

- ဒို့တာဝန်အရေးသုံးပါးနဲ့တင်
ဖွဲ့စည်းပုံက ပြင်သင့်နေပြီ။
ခုတော့…
အမျိုးသားရေးကိုခုတုံးလုပ်
အောက်တန်းစားနိုင်ငံရေးလှည့်ကွက်နဲ့
ညစ်ပတ်တဲ့စိတ်ဓာတ်တို့ပေါင်းပြီး
ဒီမိုကရေစီဟာ
ပုံဖျက်အသွင်ပြောင်းခံရ…။

- လာပါသူငယ်ချင်း…
စနစ်တကျဖျက်စီးခံထားရတဲ့
မျိုးဆက်တစ်ခုကိုဖောက်ထွက်
စာလုံးပေါင်းသတ်ပုံကအစ
လွဲမှားနေတဲ့ခေတ်ကြီးမှာ
အပြောင်းအလဲတစ်ခုကို
ငါတို့ဆီက စလိုက်ကြရအောင်…။ ။

            မောင်ဆောင်းခ
               ၃ဝ/မေ/၂ဝ၁၄

Friday, May 2, 2014

ဒဏ်


◄ ဒဏ် ►

ခင်ပွန်းသည်တွေက
တဖြည်းဖြည်း တိုးဝင် ပျောက်ကွယ်သွားတဲ့
ဇနီးသည်တွေရဲ့ အသံတွေကို
နားထဲမှာ ခုထိ
စူးစူးနစ်နစ် ကြား ကြားနေတုန်း …။
.
ဇနီးသည်တွေက
သားအတွက်၊ သမီးအတွက်၊ ဇနီးအတွက် စွန့်စားရင်း
မိသားစုအသက်ကို
သူ့အသက်နဲ့ အလဲအထပ်လုပ်သွားသူ
ခင်ပွန်းသည်တွေကို ခုထိ
နင့်နင့်သည်းသည်း အမှတ်ရ ရနေတုန်း …။
.
``အမေရေ …သား..ကြောက်တယ်´´
``အဖေရေ …သမီးကို ..ကယ်ပါဦး´´
ကြားသာ ကြားလိုက်၊ ဘာမှ လုပ်ပေးခွင့်မရလိုက်တဲ့
အဲဒီအသံတွေ အမိအဖတို့နားထဲ ခုထိ
ကျယ်ကျယ်လောင်လောင် တိုး တိုးဝင်လာတုန်း….။
.
ဘယ်တော့မှ ကျောင်းကို မရောက်တော့မယ့်
အဖြူအစိမ်းဝတ်စုံနဲ့ လွယ်အိတ်နွမ်းလေးတွေကို
ပွေ့ ပွေ့ပြီး ``သားရေ …ကျောင်းတွေ ဖွင့်ပြီလေ´´
``သမီးရေ … သမီးလေးရေ ´´လို့
ဆို့ဆို့နင့်နင့် ငို ငိုနေရတုန်း …။
.
ဒါပဲလား …အမှတ်တရဆိုတာ
ဇနီးသည် ငြိကျန်ခဲ့တဲ့ တဘက်ဟောင်းလေးက
တစ်သက်တာ အမှတ်တရတဲ့လား။
.
ရော့.. မင်းတို့ သားအမိတွေ မြဲမြဲတွယ်ထား ဆိုတဲ့
ပလပ်စတစ်ပုံးဟောင်းလေးကရော
ခင်ပွန်းသည် ကိုယ်စားတဲ့လား။
.
မိဖမဲ့ သားတွေ
သားသမီးမဲ့သွားတဲ့ မိဘတွေ
သေလို့ သေသွားကြရတဲ့သူတွေ
မသေပဲ သေသွားကြရသူတွေ
ချီပိုးယုယရမယ့်သူ မရှိတော့တဲ့ အဘိုးတွေ
သူတို့ ပုံပြင်ကို နားထောင်ပေးမယ့်သူ မရှိတော့တဲ့ အဘွားတွေ
တွေ ….
တွေ….
တွေ ….
သူတို့ …သူတို့ တွေရဲ့
အမှတ်တရတွေမှာ
(မဟုတ်ဘူး)
အမှတ်ထင်ထင် ဒဏ်ရာတွေမှာ
သွေးစိမ်းရှင်ရှင်တွေ ခုထိ
စီး စီးကျနေတုန်း…။ ။

ကိုကြည်နိုင်

Wednesday, February 12, 2014

သူပုန်တစ်ယောက် ဖွားမြင်ခြင်း


သူပုန်တစ်ယောက် ဖွားမြင်ခြင်း
+++++++++++++++++
၁၉၁၅ ဖေဖေါ်ဝရီလ ၁၃ရက်
နေမကြပ်ဘူး
လမကြပ်ဘူး
ထူးခြားနမိတ်
နတ်ပြဟိတ်လည်းမရှိဘူး
ငလျင်မလှုပ်ဘူး တော်မလဲဘူး
(အဲဒီတုန်းကညဟာ)
မထူးခြားတဲ့ ခါတိုင်းအညာညတွေလိုပါပဲ
တပေါင်းလေအေး
ညှင်းသွဲ့သာသာသွေးကာတိုက်လို့။

ကြယ်တွေငိုက်မြည်း
အာရုဏ်နီးချိန်
လင်းမှိန်ပြပြ
တပေါင်းညရဲ့
လင်းကြက်တို့တွန်သံနဲ့အပြိုင်
ဘဝဂ်တိုင်အောင်
အာခေါင်ကိုခြစ်

ဟစ်အော်သံနဲ့အတူ
သူ
လူလောကထဲရောက်လာခဲ့တယ်။

လက်သီးကိုဆုတ်
ခြေကိုကုတ်လို့
နီစုတ်တာရဲ
ညိုမဲမဲလေးဟာ
ဟန်နီဘောဝင်စားသူ
မိုက်ကယ်ကောလင်းဝင်စားသူ
နောင်အခါ
နေမဝင်အင်ပါယာကိုဖြိုဖျက်
မြန်မာကိုလွတ်လပ်စေမဲ့သူရယ်လို့
(အဲဒီတုန်းက)
မကျည်းလဲမသိ
ထနောင်းလဲမသိ
အမိဒေါ်စုလဲ မသိခဲ့ပါ။
                                      
                                              အောင်ဇင်လတ်(13-2-2014)

Monday, February 10, 2014

ခေတ်

Photo: ခေတ်
........
အလွဲတွေနဲ့ ပွဲကျနေကြတဲ့လောကထဲ
ငါကပဲ အသက်ရှုမှားနေခဲ့တာလား...၊

တစ်နေ့တခြား များများလာတဲ့
အမနာပ မှိုင်းတွေထဲ
ခေတ်ဟာ...
အရောင်တွေလည်း မွဲ...လို့ ၊

အမှန်တရားခမျာလည်း
ရန်များကိုမရှင်းနိုင်သေးလေတော့
ရွာပြင်ဇရပ်မှာပဲ
မျက်နှာငယ်နေရရှာ...၊

ကြာလေ...နက်လေ
အ၀ိဇ္ဇာအမှောင်ထုတွေထဲမှာတော့
ခွေးဟောင်သံတွေသာ
ပို ဆူ ညံ လာ ခဲ့ ပေါ့ ။

လင်းအောင်ပြည့်

ခေတ်
........
အလွဲတွေနဲ့ ပွဲကျနေကြတဲ့လောကထဲ
ငါကပဲ အသက်ရှုမှားနေခဲ့တာလား...၊

တစ်နေ့တခြား များများလာတဲ့
အမနာပ မှိုင်းတွေထဲ
ခေတ်ဟာ...
အရောင်တွေလည်း မွဲ...လို့ ၊

အမှန်တရားခမျာလည်း
ရန်များကိုမရှင်းနိုင်သေးလေတော့
ရွာပြင်ဇရပ်မှာပဲ
မျက်နှာငယ်နေရရှာ...၊

ကြာလေ...နက်လေ
အ၀ိဇ္ဇာအမှောင်ထုတွေထဲမှာတော့
ခွေးဟောင်သံတွေသာ
ပို ဆူ ညံ လာ ခဲ့ ပေါ့ ။

                                                     လင်းအောင်ပြည့်

Thursday, October 31, 2013

၂၅ နှစ်တာ စာရင်းချုပ်လိုက်တော့


၂၅ နှစ်တာ စာရင်းချုပ်လိုက်တော့

ငါတို့ ဟာ..ငါတို့ကိုယ် ငါတို့ ရှုံးခဲ့တယ်။
သူရဲကောင်းပီသစွာ.ထောင်ချခံနေခဲ့ရတဲ့
 ငါတို့ အတိတ်ကို ငါတို့ ရှုံးတယ်။

သေသွားတဲ့ငါတို့ ရဲဘော်တွေကို
သစ္စာစောင့်သိရိုသေဖို့ အတွက်
 လက်ကျန်သစ္စာတရားကိုသစ္စာရှိဖို့ 
ငါတို့ ဆုံးရှုံးခဲ့တယ်။
ကဲ..
ငါတို့ ရှုံးတယ်
အနှစ်နှစ်ဆယ်ကျော်ကိုငါတို့ ရှုံးတယ်
ကိုယ်ကျိုးရှာ သူတွေနဲ့ တ၀ိုင်းထဲညစာစားနေတဲ့
ငါတို့ ရဲ့ မိတ်ဆွေဟောင်းတွေကိုငါတို့ ဆုံးရှုံးတယ်။
တနေ့  ...မှာ
တရားမျှတမူကို စီရင်ပေးလိမ့်မယ်လို့ 
ငါတို့ ကိုသူရဲကောင်းအမှတ်နဲ့ မျှော်လင့်ခဲ့တဲ့
 ငါတို့ ပြည်သူတွေရဲ့ ယုံကြည်ချက်ကို..ငါတို့ ဆုံးရှုံးတယ်။
ငါဘယ်တော့မှဒူးမထောက်ဖူးဆိုတဲ့
သစ္စာတဲတဲလေး ရှိနေသေးတာလဲလွဲရင်
ခင်ဗျားရှုံးတယ်။
ခင်ဗျားရဲ့ ရဲဘော်ရဲဘက်တွေကိုလဲ
ခင်ဗျားရှုံးတယ်
ခင်ဗျားရဲ့ရွေပြည်တော်အိပ်မက်တွေကိုလဲ
ခင်ဗျားဆုံးရှုံးတယ်
ခင်ဗျားရဲ့ မျော်လင့်ချက်တွေကိုလဲခင်ဗျားရှုံးတယ်
 ခင်ဗျားရဲ့ ကြီးစွာသောပေးဆပ်မူတွေလဲ
အခုအချီးနှီးနဲ့ ....
ဟုတ်တယ်..
ရှုံးနိမ့်မူဟာ..သိပ်ကြမ်းကျုတ်တယ်။
ခင်ဗျားမှာရဲဘော်ရဲဘက်မရှိတော့ဖူး
ယုံကြည်ရတဲ့မိတ်ဆွေမရှိဖူး
နွေးထွေးတဲ့.နိင်ငံတော်တခုမရှိတော့ဖူး
ခင်ဗျား အမေမရှိတော့ ဖူး
ခင်ဗျား...ပြန်စရာအိမ်မရှိတော့ဖူး။
နောက်ဆုံးခင်ဗျားဆက်တိုက်ပွဲဝင်ရမယ့်
တိုက်ပွဲမရှိ တော့ဖူး ။
အဆိုးဆုံးကတော့.ခင်ဗျားဆက်တိုက်ရမယ့်
ရန်သူကိုတောင်ခင်ဗျားဆုံးရှုံးမယ်ဆိုရင်
ခင်ဗျားရှုံးခဲ့တာတွေအားလုံးထက်..ခင်ဗျား ပိုရှုံးတယ်။
သတ်သေဖို့ လား...
အသုဘမှာတောင်.ခင်ဗျားအလောင်းကို
ခွပ်ဒေါင်းလံလွမ်းပေးမယ့်သူမရှိဖူး။
ခင်ဗျားအသုဘကိုပို့ ပေးမယ့်ရဲဘော်စစ်စစ်
တယောက်မှမကျန်ဖူး
ခင်ဗျားဈာပနမှာဆိုရမယ့်
ကမ္ဘာမကြေသီချင်းကို...အားလုံးမေ့သွားပြီ။


၂၅ နှစ်တာ စာရင်းချုပ်လိုက်တော.ခေါင်းဆောင်တွေရဲ.အလိမ်ခံလိုက်ရတာ ပဲအဖတ်တင်တယ်။ 

ဒီဘဝဒီမျှသာ။ သာဓု။သာဓု။

 (ကိုမြင့်အောင် ခေါ် ကိုချက်ကြီး -၂၁၁ ၀မ်ခစခန်း)