Pages

Saturday, October 13, 2012

သေမင်းနဲ့ ရင်ဆိုင်နေရတဲ့ လက်ပံတောင်းတောင်

သေမင်းနဲ့  ရင်ဆိုင်နေရတဲ့  လက်ပံတောင်းတောင်

လက်ပံတောင်းတောင်
လျှိုမြောင်စိမ့်စမ်း
စိန်းလန်းစိုပြေ
သည်တောင်ရဲ့ အခြေအနေကို
အဝေးကနေမှန်းမျှော်ရမ်းရော်လို့  ကြည့်ရအောင်ပါ
မုံရွာမြို့ရဲ့  တစ်ဖက်ကမ်း
ညနေချမ်းချိန်ခါမှာ
အလှတွေဝေဖြာလို့
မြေကမ္ဘာ ပေါ်မှာ
အလှဆုံးတစ်နေရာလို့
အသေအချာပြောနိုင်မှာပါ
ကမ္ဘာမှာ စံပြုလောက်တဲ့ အနေရာတစ်နေရာ
အသေအချာ ဖြစ်မှာပါ
ညနေဆို မုံရွာသားတွေ
လေပြေလေညင်း
ရှူသွင်းရှိုက်ထုတ်
နေ၀င်ချိန်သရုပ်ကို
ဖော်ထုတ်ဖန်တီးနေကြတယ်
စက်ဘီးနဲ့ တစ်သွယ်
ဆိုင်ကယ်နဲ့ တစ်မျိုး
ခြေထောက်အားကိုးနဲ့
လမ်းလျှောက်သူကလျှောက်
သစ်ပင်အရိပ်အောက် ခိုသူကခို
နေညိုချိန်အလှ
သဘာဝပန်းချီကားကို ကြည့်လို့
ဘ၀အမောတွေကို သည်မှာ ဖြေကြ ၊
ရေစီးသံလွင်လွင်
တသွင်သွင်စီးဆင်း
ချင်းတွင်းမြစ်မင်း
ရေအရင်းအမြစ်
သစ်သစ်ပြာလွ
ရွရွညင်ညင်
ကြည်လင်ရွှင်အေး
ချိုတေးသံမြိုင်မြိုင်
လှိုင်လှိုင်တီးခတ်
တဖျပ်ဖျပ်လှိုင်းပုတ်
လက်လှုပ်ဖြူဝင်း
သဲခင်းသောင်ပြင်
ခရုပတ်ဆင်သို့
ရေရှင်ဖြတ်စီး
ရှုမငြီးဖွယ်
သောင်ပြင်ရေညိုလယ်
သည်ဝယ်သည်မှာ
သဲသာသောင်ယံ
ဟင်္သာမောင်နှံတို့
တောင်ပံချင်းယှက်
ညက်ညက်ညင်သာ
ထံတျာဟစ်ကြွေး
ဘာသာဘာဝတေးတွေဆိုလို့
သည်လိုအချိန်သည်လိုအခါ
အနောက်မှာက မိုးကုတ်စက်ဝိုင်း
ရစ်သိုင်းတိမ်ကမ္ဗလာရောင်စုံဖြာ
ဝါ၀ါနီနီတိမ်ပုဇွန်ဆီပက်ဖျန်း
မရန်းစေ့ရောင်
ခရမ်းရင့်ရောင်
လွင့်လွင့်ပြာကြည်
နှင်းဆီပန်းနုရောင်
ကြောင်ကျောက်စလင်းသား
ခုန်လွှားရောင်ခြည်ပြိုးပြတ်
ဝင်းလက်ကစား
အရောင်များစုံစုံ
တိမ်ပုံတွေကလည်း အမျိုးမျိုး
တိုးနယားလိုလို
ကျားလိုလို ဆင်လိုလို
အမြင်တွေ အမျိုးမျိုးပြောင်း
တိမ်တန်ဆောင်းပြာဿဒ်
အထပ်ထပ်အဖုံဖုံ
ဘုံအဆင့်ဆင့်
တင့်တယ်လှကြွ
ညနေခင်းရဲ့ ဇာတ်ရုပ်စုံတွေပါ
သည်လောက်လှတဲ့နေရာကို
နောက်ထပ်လို့ အားဖြည့်ထားတာတစ်ခုရှိသေး
ဟိုအဝေးက ရေးရေးပျပျ
တောင်းတန်းလှလှကြီးတွေပါ ။
ပထမ တောင်တန်းကို ဖိုလ်ဝင်းတောင်
ဒုတိယအလယ်တောင်တန်းက လက်ပံတောင်းတောင်
တတိယတောင်တန်းက ကြေးစင်တောင်နဲ့ စံပယ်တောင်ပါတဲ့
သဘာဝအလျောက် ဖြစ်ပေါ်လာတဲ့ သည်တောင်တွေမှာ
ဒဏ္ဍာရီဆန်ဆန်ပုံပြင်တွေရှိတယ်
အဖွားပြောပြတဲ့ ပုံပြင်တွေက
ယုံချင်စရာ မဟုတ်ပေမယ့်
ဂုဏ်တင်စရာ ရိုးရာသရုပ်သကန်တရားရင်းမြစ်ပါ
အဖြစ်အမှန်
ပုံသဏ္ဍာန်ဖော်ထုတ်ပေး
ရှေးရှေးတုန်းကဆိုတာ ဟိုးရှေးရှေးတုန်းကပေါ့လေ
သည်ရေ သည်မြေ သည်နယ်မြေမှာ
အခြေချနေထိုင်တဲ့ မောင်နှမ သုံးယောက်ရှိပါသတဲ့
အစ်ကိုကြီးတစ်ယောက်
နှမငယ် တစ်ယောက်
ညီငယ် တစ်ယောက်ပါ
စကားကြွယ်အရွယ်လှတဲ့
နှမငယ်ရဲ့ အဆိုစကား
အပိုမများဘဲ သူကပြော
သည်တော သည်ရေ သည်နယ်မြေမှာ
တောင်ဆိုတာ မရှိ ဗလာနတ္ထိ
ပကတိဟင်းလင်းပြင်
အကြည့်မလှ ရှုမလှ
သဘာဝလွင်ပြင်ကျယ်ကြီးထီးတည်းဖြစ်နေတယ်
တောင်ရှိမှ တင့်တယ်မြင်ကွင်းကျယ်ကျယ်
ထည်ထည်ဝါ၀ါဖြစ်လာမှာပါ
ကြည်သာရွှင်ပျ နှမလေးရဲ့အဆိုကို
ညီအစ်ကိုနှစ်ယောက်က လက်ခံ
တောင်တည်ရန်အချက်ပေါ်ထွက်လာတော့
မောင်နှမတွေ ပြိုင်ဘက်ဖြစ်ကုန်ပါပြီ
သည်မှတစ်ခါ
တောင်တည်တာစကြ
တောင်ဘက်အရပ်က နှမ
တောင်လှလှလေးတည် (တည်)
လှေငယ်ပိန်းကောမှောက်ထားသည့်နှယ်
တင့်တင့်တယ်တယ်ရှုဖွယ်မဆုံး
တောင်လုံးလှလှ ရွရွရွှင်ရွှင်
တောင်တော်ရှင်သခင်မရဲ့ လက်ရာ
လှပတဲ့တောင်ကလေးပါ
အမည်နာမခေါ်ကြ  ဖိုလ်ဝင်းတောင်မဟာ
မြောက်ဖျားက ညီငယ်ကလည်း
တောင်ရွယ်ရွယ်နှစ်လုံး
ခွန်အားသုံးလို့  တည်ဆောက်
ပြီးမြောက်ခဲ့ပြီဖြစ်ပါတယ်
စံပယ်နဲ့ ကြေးစင်တောင်
သည်ညီနောင် တောင်နှစ်လုံးပါ
အခုတော့ ပျက်ပြုန်းလို့ ပျောက်ကွယ်
ပင်လယ်ရေမျက်နှာပြင်အောက်
ပေ တစ်ထောင်လောက်ထိ ရောက်သွားပါပြီ
သဘာဝ အလှတရား
ပျက်ပြားဆုံးရှုံး
လုံးလုံးကြီးခံလိုက်ရပါပြီ
နှမနဲ့ ညီငယ် တောင်တည်လို့ ပြီးချိန်မှ
သတိရ ကိုယ့်တာဝန်
အလည်လွန်အပျော်လိုက်
ဖဲရိုက်ကြက်တိုက်နေမိတဲ့ အပြစ်
ကတိက၀တ်
ယွင်းချွတ်ပျက်ပြား
တောင်တည်ရန် နောက်ကျနေသည်များကို
အမှီလိုက်တည်ဆောက်ရန်
ဇွဲအားမာန်ဖြင့်
အပြင်းအထန်ကြိုးစား
တစ်အားကျုံးပက်
လက်နှစ်ဖက်ဖြင့်
ကော်ပက်တည်ဆောက်
ပြီးမြောက်တောင်သုံးဆယ့်သုံးလုံး
စုရုံးတောင်ပေါင်းရဲ့
မည်ကောင်းသညာ ခေါ်ကြပါသည်
လက်ပံတောင်းတောင် ဆိုတာ ပေါ်ပေါက်ခဲ့ ။
ကမ္ဘာ မြေပေါ်မှာ
သည်တောင်ကြီးဟာ ငွါးငွါးစွင့်စွင့်
ရှုချင့်စဖွယ် ထည်ထည်ဝါ၀ါဖြစ်တည်လာ
သဘာဝ တရားကပေးတဲ့သည်တောင်
လူ့ဘောင်အတွက် အကျိုးပြု
သစ်ဥသစ်ဖုကအစ
သစ်သီးသစ်ပင် ဆေးဖက်ဝင်တဲ့ဘယဆေးပင်
စုံစုံလင်လင်ဟင်းသီးဟင်းရွက်
လူသားတွေအတွက် ပေးဆက်နေရပါတယ်
ဆရာလယ်တီ တရားရည်သောက်သုံး
ဗုဒ္ဓကျမ်းတွေစီကုံးတဲ့နေရာ
သည်တောင်ကြီးရဲ့ ကံကြမ္မာ
အသေအချာဆိုးဝါးတော့မှာပါ
၅၁ အချိုး ၄၉ နဲ့
အမျိုးမျိုးနှိပ်စက်
စက်ယန္တရားတွေနဲ့ ဖျက်ဆီးကြတော့မှာပါ
မညှာမတာ ကြေးနီကြေးဝါဆိုတာတွေကို ထုတ်ယူ
အူအသဲတွေအကုန်နှုတ်
တောင်မျိုးပြုတ်အောင်လုပ်တော့မှာပါ
မြေပြင်ကတုံးတောင်လုံးလုံးမရှိအောင်ဆွဲချ
ရှေ့ကသွားနှင့်တဲ့ စံပယ်တောင်နဲ့ ကြေးစင်တောင်လို
မြေမျိုခံရဦးမှာပါ ။
ဒါတွင်မက တောင်ခြေမှာရှိတဲ့ ရွာတွေပျက်ပြုန်း
ဆုံးရှုံးရမယ့် လယ်မြေယာမြေတွေ
ဧကပေါင်းထောင်သောင်း
ဒါထက်မက အဆပေါင်းများစွာ
ဆိုးဝါးမှာတွေရှိသေး
မြေတွေပေါ် ငရဲမီးအက်ဆစ်တွေနဲ့လောင်း
ရေကြောင်းအတိုင်းစိမ့်ဝင်
သည်မြေတစ်ခွင်လုံး အဆိပ်သင့်
စားပင်သီးပင်သစ်ပင်တွေ အကုန်သေ
ကြက်တွေငှက်တွေ ၀က်တွေ နွားတွေလည်း အကုန်သေ
မွေးလာတဲ့ကလေးတွေလဲ
ခြေမသန် လက်မသန် ပုံမမှန်တွေဖြစ်
မိန်းမတွေလဲ ရောဂါဆိုးထဲနစ်
“၀ဋ်နာ ကံနာ” ဆိုပြီး ဖြည်းဖြည်းသေ
ကြေးနီလုပ်ငန်းက သုံးတဲ့ ငရဲမီးရေတွေ
ချင်းတွင်းမြစ်တွင်းစီးဝင်
ဧရာဝတီပင် မလပ်
ဒလစပ် စီးဆင်း
ပင်လယ်တွင်းထိဝင်သွား
ငါးပုဇွန်တွေသေ
လယ်ယာမြေပျက်
ထွန်ယက်မရ စိုက်မရ ပျိုးမရ
မြန်မာတစ်ပြည်လုံး မိုးမဆုံးရေမဆုံး
အကုန်လုံးပျက်စီး
သားစဉ်မြေးဆက်အထိ အဖျက်ဆီးခံရမှာပါ
သည်လောက်ထိဆိုးတဲ့အလုပ်
မျိုးပြုတ်မယ့်အလုပ်မျိုးကို
နောက်မဆုတ်ဘဲ တိုးလို့သာ လုပ်မယ်ဆိုရင်
မုံရွာသူ ၊ မုံရွာသားနဲ့ ချင်းတွင်းသူချင်းတွင်းသားတို့က
မရပ်မနား တွန်းလှန်ဖြိုဖျက်
မပျက်ပျက်အောင် လုပ်ဆောင်ကြမှာပါ
လုံးဝလက်မခံ ထက်သန်တဲ့စိတ်နဲ့
သည်စီမံကိန်း ပျက်ဖို့ရာ
အားလုံးညီညီညာညာ လက်တွဲတိုက်ပွဲဝင်ကြမှာပါ
ကြည့်ပါဗျာ ရှေ့ဆက်
ဘယ်မှာလဲ ကောင်းကွက်
တစ်ကွက်မှ မရှိတဲ့အလုပ်
လူသတ်လက်နက်တွေလုပ်
ကျည်ဆံတွေ ၊ ဗုံးဆံတွေ ၊ အမြောက်ဆံတွေလုပ်မယ့်
လူမျိုးဖြုတ် ကြေးနီစီမံကိန်းကြောင့်
သည်မှာလဲ လူတွေ ဘ၀ပျက်ကြရအုံးမယ်
တခြားမှာလဲ သေကြရအုံးမယ်
လူမျိုးတုံး သည်အချက်တွေကြောင့်
လက်ပံတောင်းတောင် ကြေးနီစီမံကိန်း
လုံးဝအပြီးအပြတ် ဖျက်သိမ်း
ခြိမ်းခြိမ်းညံကောင်းကင်မြေပြင်
မြန်ပြည်တစ်ခွင်လုံး
ထစ်ချုန်းတောင်းဆိုကြပြီဟေ့ ။
ဓနထွန်း (မုံရွာ)

Monday, September 24, 2012

"ထကြည့်စမ်းပါ ဗိုလ်ချုပ်ရယ်"....

 
"ထကြည့်စမ်းပါ ဗိုလ်ချုပ်ရယ်".....

ထကြည့်စမ်းပါ ဗိုလ်ချုပ်ရယ်
ဗိုလ်ချုပ် နာမည် သုံးပြီး
လုပ်စားနေခဲ့သူ လူတစ်စု
စုကို နိုင်ငံရေး လုပ်မှာ ကြောက်လို့
နိုင်ငံခြားမှာ အခြေကျအောင်
ပရိယာယ် အထွေထွေ
အခြေအနေ အရပ်ရပ်
အထပ်ထပ် ဖန်တီးပြီး စီစဉ်ခဲ့ကြတယ် တဲ့။
ဒါပေမဲ့ …
ရှေ့ရေးကို မျှော်
ဗိုလ်ချုပ်သမီးနော် ပီသ
ဇာတိပြကာ နေလာခဲ့ပြီး
တိုင်းပြည်က အရေးကြီးတော့
ရှေ့က ခေါင်းဆောင်
ဂုဏ်ရောင်ပြောင်အောင်
သူ ဆောင်ရွက်နေတယ်။

ထကြည့်စမ်းပါ ဗိုလ်ချုပ်ရယ်
ဗိုလ်ချုပ်ရဲ့ ရှုမငြီး
ချစ်သမီးကို
ဗိုလ်ချုပ် တည်ထောင်
ဂုဏ်ရောင်တွေ ပြောင်ခဲ့တဲ့
မြန်မာ့ တပ်မတော်မှ
အချို့သော ခေါင်းဆောင်တွေ
မတတ်သော စိတ်ထား
ဦးတည်ချက် အမှားများနှင့်
ဝရုန်းသုန်းကား
ဖမ်းဆီး ထောင်ချ
ဘဝ အမှောင်တွေကျအောင်
ကြံလုံး ဖန်လုံး
နည်းမျိုးစုံ သုံးလို့
အမျိုး သုဉ်းအောင်
ကြံဆောင် နှိပ်စက်
အဘက်ဘက်က ဖျက်ခဲ့တယ်။
ဒါပေမဲ့
ဗိုလ်ချုပ်ရဲ့ ရှုမငြီး
ချစ်သမီးက
တိုင်းပြည် အတွက်
အငြိုးအတေး မစွက်ပဲ
မေတ္တာသက်ပြီး
အကြမ်း မဖက်တဲ့ နည်းနှင့်
ကြိုးစားကာ ကြံဆောင်
အောင်မြင်အောင် ဆောင်ရွက်နိုင်ခဲ့တယ်။

ထကြည့်စမ်းပါ ဗိုလ်ချုပ်ရယ်
ဗိုလ်ချုပ်ရဲ့ ရှုမငြီး
ချစ်သမီးက
သူ့ အပေါ် ဗိုလ်ကျ
အမျိုးမျိုး ပါဝါပြသူတွေ အပေါ်
မပျက်သော မေတ္တာ
ဗြဟ္မစိုရ်တရား ပါပါနှင့်
လက်တွဲ ဆောင်ရွက်နေတာဟာ
လူ သာဓုခေါ် နတ် သာဓုခေါ်
ဘုရားပါ သာဓုခေါ်မည့် အလုပ်
သူ မပြတ်တန်း လုပ်နေတယ်ဗျာ။

ထကြည့်စမ်းပါ ဗိုလ်ချုပ်ရယ်
ဗိုလ်ချုပ်ရဲ့ ရှုမငြီး
ချစ်သမီးက
မပြီးပြတ်ခဲ့တဲ့ ဖခင် အလုပ်
တကုတ်ကုတ် ဆက်လုပ်နေလိုက်တာ
ယားလျှင်တောင် မကုတ်အားလောက်ပါဘူး။

ထကြည့်စမ်းပါ ဗိုလ်ချုပ်ရယ်
ဗိုလ်ချုပ်ရဲ့ ရှုမငြီး
ချစ်သမီးက
အာဏာရှင်တွေ တလွဲသုံးလို့
တစ်ကမ္ဘာလုံးက မသိသလောက် ဖြစ်သွားခဲ့ရတဲ့ ဒီနိုင်ငံကို
ကမ္ဘာ့ နေရာမှန်မှာ
အောင်လံ ပြန်စိုက်ထူဖို့
တာစူကာ သူ ပြန်တည်ဆောက်နေတယ်။
ကမ္ဘာကြီးက သူ့ အပါးမှာ
မားမားကြီး ရပ်လို့
အားပေး ကြိုဆိုနေတယ်။

ထကြည့်စမ်းပါ ဗိုလ်ချုပ်ရယ်
ဗိုလ်ချုပ်ရဲ့ ရှုမငြီး
ချစ်သမီးက
လွတ်လပ် တရားမျှတမှုရဲ့ ရှေ့ဆောင်
ဒီမိုကရေစီ ခေါင်းဆောင်တဲ့။
လူသားတို့ရဲ့ မီးရှူးတန်ဆောင်
သစ္စာ မေတ္တာ အရောင်လည်း ဖြစ်သတဲ့။
အကြမ်း မဖက်
မေတ္တာ လက်နက်ကိုသုံး
အပြုံးများနှင့် တိုက်ပွဲဝင်
လူသားတို့ရဲ့
သမိုင်းဝင် ငြိမ်းချမ်းရေး သင်္ကေတလည်း ဖြစ်သတဲ့။
စိတ်ရှည် သည်းခံ
ဇွဲသန်သန်နှင့်
အားမာန်ပါပါ
တိုက်ပွဲဝင်တာကြောင့်
ကမ္ဘာ့ သူရဲကောင်းလဲ ဖြစ်သတဲ့။

ထကြည့်စမ်းပါ ဗိုလ်ချုပ်ရယ်
ဗိုလ်ချုပ်ရဲ့ ရှုမငြီး
ချစ်သမီးကို
ကမ္ဘာကြီးက ဂုဏ်ပြုနေလိုက်တာ
သောသောကို ညံလို့
ဟန်ပန်တွေ အမျိုးမျိုးနှင့်ပေါ့။
သူတို့ ဆုတံဆိပ်တွေဟာ
ဗိုလ်ချုပ် သမီး ဂုဏ်နှင့် စာလျှင်
သေးငယ်များ နေမလားဆိုတဲ့ အတွေးနှင့်
ကမ္ဘာကျော်တွေ
အသံကုန် ဟစ်အော်ပြီး
ချီးမွမ်း ဂုဏ်ြပုနေကြတယ်လေ။

ထကြည့်စမ်းပါ ဗိုလ်ချုပ်ရယ်
ဗိုလ်ချုပ်ရဲ့ ရှုမငြီး
ချစ်သမီးက
ခန္တီ သစ္စာ
မေတ္တာပါ ပါတဲ့
တန်ခိုး ပါဝါစုံနှင့်
ကမ္ဘာတုန်အောင်
အမျိုးဂုဏ် တန်ခိုးဂုဏ် ပြနေတာ မြင်ရတော့
ဗိုလ်ချုပ်ကို တမ်းတ
သတိယလှတာကြောင့်
ခေါ်ပြော အော်ပြောလိုက်တယ်
“ထကြည့်စမ်းပါ ဗိုလ်ချုပ်ရယ်”လို့

ဒေါ်အောင်ဆန်း စုကြည်အား အမေရိကန် ကွန်ကရက်၏ အမြင့်ဆုံး ရွှေတံဆပ် ဆုချီးမြှင့်ပွဲ (လိုက်ဖ်ရှိုး တင်ဆက်မှု) အပြီးတွင် ခံစား ဂုဏ်ပြု စပ်ဆိုပါသည်။

"ဘုန်းဥာဏ်"

Wednesday, August 29, 2012

အရူးမီးဝိုင်း


အရူးမီးဝိုင်း
(ကဗျာရှင် နေရဲနီ)

လှည်းတန်း သမိုင်း ရွှေဂုံတိုင်
ဂုံးကျော်တံတားကြီးတွေ အပြိုင်အဆိုင်
ရန်ကုန်မြို့ကြီးကို စင်္ကာပူလိုဖြစ်အောင်
လေးလအတွင်းမှာ အပြီးဆောက်မယ်တဲ့
လွန်ခဲ့တဲ့ငါးလလောက်က
နာဂစ်ဥပဒေ နဲ့ ဂီရိရွေးကောက်ပွဲမှာ
သပွတ်အူကြိုတင်မဲတွေနဲ့ အနိုင်ရလာတဲ့
ဝန်ကြီးတပါးကပြောတဲ့စကား
လေးလလွန်လို့ ငါးလထဲရောက်လာတော့
ဟိုအကြောင်းပြ ဒီအကြောင်းပြနဲ့
တစ်နှစ်လောက်တော့ ကြာမှာပေါ့တဲ့
ဒါရိုက်တာမောင်မျိုးမင်း ကတော့
ရင်တွင်းကဖြစ်လာတဲ့စကားနဲ့ပြောလိုက်တာ
ဆောက်တုန်းပါဗျာ တဲ့။
သံတူကြောင်းကွဲ မြန်မာစကားကလဲ
တခါတလေတော့လဲ နားလည်ရအခက်သား။

တံတားဆောက်တဲ့အကြောင်းပြချက်နဲ့
လမ်းတွေတခြမ်းပိတ်ထားတော့
ယာဉ်ကြောတွေက ယခင်ကထက်ပိုလို့ကြပ်
ယာဉ်အဟောင်းနေရာမှာ အစားထိုးလာတဲ့ယာဉ်သစ်တွေကြောင့်လည်း
ယာဉ်ကြောတွေက ကြပ်ပြီးရင်းပိုလို့ကြပ်
လိုရာခရီးကို အချိန်မှီမရာက်နိုင်တဲ့
ခရီးသွားပြည်သူတွေရဲ့အသံက တစတစနဲ့ ပူညံပူညံ။

နေ့ညမပြတ်ယန္တယားသံဆူဆူညံညံကြောင့်
နားမခံနိုင်တဲ့ရပ်ကွက်ထဲက ပြည်သူတွေရဲ့အသံက ဆူဆူညံညံ
ဖိတ်ချင်းဖိတ် ကိုယ့်အိတ်ထဲသာဖိတ် ဆိုတဲ့
ခေတ်နောက်ပြန်ဆွဲတဲ့ အတွေးစိတ်ကူးတွေနဲ့
လက်သင့်ရာဆွမ်းလောင်းပြီး ပြည်တွင်းကုမ္ပဏီကို
ကန်ထရိုက်ပေးလိုက်ပြန်တော့လည်း
အတွေ့အကြုံကမရှိ
စက်ယန္တယားကမပြည့်စုံ
လွဲချော်ခဲ့ရင် ပြန်ပြင်ဖို့မလွယ်တဲ့ ဒီလိုနေရာမျိုးမှာ
တကယ်တတ်တဲ့ အတတ်ပညာရှင်ဆိုတာဝေလာဝေး။

ဒီလိုနဲ့ဘဲ
တနှစ်နဲ့မှ မပြီးခဲ့သည်ရှိသော်
လိုရာခရီးမရောက်နိုင်တဲ့ ပြည်သူတွေရဲ့အသံ
ယာဉ်ကြောကြပ်လို့ စိတ်မရှည်နိုင်တော့တဲ့ယာဉ်မောင်းတို့ရဲ့အသံ
စက်ယန္တယားသံနားမခံနိုင်တော့တဲ့
အနီးအနားရပ်ကွက်ထဲက ပြည်သူတွေရဲ့အသံ
ဝေဖန်သံ
အပြစ်တင်သံ
အစရှိသော အသံမျိုးစုံကြားမှာ
အရူးမီးဝိုင်းဖြစ်တော့မှာပါလား။

နေရဲနီ

ဓာတ်ပုံ မြစ်မခ မီဒီယာ

Friday, June 29, 2012

ဆင်ဖြူမျက်နှာ ဆင်မည်းမကြည့်ဝံ့ရှာ (ကဗျာရှင် နေရဲနီ)



ဆင်ဖြူမျက်နှာ ဆင်မည်းမကြည့်ဝံ့ရှာ
(ကဗျာရှင် နေရဲနီ)

တရံရောအခါ ဗာရာသနင်း
ဗြဟ္မဒတ်မင်းသည် သူ၏ဆင်တပ် ရေသက်ဖို့ရာ
ဂင်္ဂါကမ်းသို့စေလေ၏။

ရဲရင့်ဝံ့ကြွား ဆင်အများတို့ အေးမြကြည်လင်
မြစ်ဂင်္ဂါ၏ ရေအလျင်ကို
မြင်သော်ခဏ အားရဝမ်းသာ
ဂင်္ဂါမြစ်တွင်း ဆင်းလေသော်
ရုတ်ချည်းမူရာ ပြောင်းလဲကာလျှင်
တစ်ကောင်မျက်နှာ တစ်ကောင်ကြည့်ကာဖြင့် ရုတ်တရက်လျှင်
ကျိုးကျိုးကျည်ကျည် အော်ကာမြည်လျက်
ဖရိုဖရဲတပ်ပျက် အသွင် ပြေးကာလျင်သည်
ဂင်္ဂါကမ်းမှ ဝေးရာတည်း။

ဆင်အပေါင်း၏ ထူးခြားဖြစ်အင် မြင်သော်ခဏ
စုံစမ်းကြသော် မြစ်ဂင်္ဂါ၏ အထက်အညာ
ဟိမဝန္တာ မြိုင်ရပ်သာတွင် ဘုန်းရှိန် သမ္ဘာပြည့်စုံစွာသား
ရတနာဆင်ဖြူ ပေါ်ထွန်းမူ၍
ဆင်ဖြူဘုန်းကံ အရှိန်ဒဏ်ကို ဆင်မည်းမခံနိုင် ၍လန့်ကြောက်အသွင် အပြေးနှင်သည်
အုတ်အော်သောင်းနင်း ဖြစ်သတည်း။

မင်းဗြဟ္မဒတ် ရာဇာမြတ်လည်း သူ၏ဆင်တပ် ရေသက်ဖို့ရာ
ကြံကာတွေးသော် ဆင်ဖြူ့အညစ်ကြေး မစင်ချေးကို
ရေနှင့်ဖျော်၍ ဆင်မည်း ကိုယ်ပေါ်လောင်းသော်ခဏ ဆင်အပေါင်းလည်း
သောင်းသောင်းဖျဖျ အားရဝမ်းသာ ရွှင်မြူးကာလျှင် မြစ်ဂင်္ဂါ၏ရေတွင်လူးသည်
အုံးအုံးကျွက်ကျွက် ညံလေသတည်း။

နိပါတ်တော်လာ ထိုပုံဝတ္ထု ပမာပြု၍
ဆင်ဖြူမျက်နှာ ဆင်မည်းမကြည့်ဝံ့
ဆိုရိုးစကား ရှေးကထားသည်
လက်ထက်တော်က စလေသတည်း

ဤသို့လျှင် ဘုန်ကံနိမ့်ပါး လူ့အန္တတို့
မိန်းမသားပင် ဖြစ်လင့်ကစား ဘုန်းမြင့်မားမူ ဆင်ဖြူမျက်နှာ ဆင်မည်းမကြည့်ဝံ့သို့
မသိကျိုးကျွံ ပြုကြတုံသည် လူမိုက်တို့ထုံးနှလုံးတည်း။

ပြည်ထောင်စုမြန်မာနိုင်ငံ တိုင်းသားပြည်သူ များရှင်လူတို့
ဂုဏ်ယူဖွယ်သား နိုဘယ်ဆုရှင် ဒေါ်အောင်ဆန်းစုကြည်၏
ဥရောပခရီး ကမ္ဘာ့မီဒီယာ အသီးသီးတွင်
သူ့ထက်ငါဦး အလုအယက် ရေးသားနေချိန်
နိုင်ငံပိုင် မီဒီယာ မြန်မာ့အသံ ရုပ်မြင်သံကြား
မြန်မာအလင်းကြေးမုံ အဖုံဖုံတွင် တစိုးတစိမျှ
မရေးကြသည် ဆင်ဖြူမျက်နှာ ဆင်မည်းမကြည့်ဝံ့ရှာသည်
ပုဂ္ဂိုလ်ရေးခရီး အကြောင်းပြချက်တည်း။

နေရဲနီ

Sunday, June 24, 2012

အောင်ဆန်းဦးသို့ အိတ်ဖွင့်ပေးစာ

အောင်ဆန်းဦးသို့ အိတ်ဖွင့်ပေးစာ
အောင်ဝေး
ဒီဇင်ဘာ ၂၆၊ ၂၀၀၉

ဗိုလ်ချုပ်၏ သားဦး
ဦးအောင်ဆန်းဦးခင်ဗျာ
ကျနော် ကဗျာဆရာ အောင်ဝေး
ရိုသေစွာ စာရေးလိုက်ပါတယ်။

++++++++
သားဦး အရူး တဲ့
မြန်မာစကားမှာ ရှိပါသည်။

အစ်ကိုကြီးတော့ အဖအရာ
မြန်မာစကားမှာ လာပါသည်။

တို့ ဘုရား မယားဖက် ခပ်ပါပါ တဲ့
မြန်မာ့ဆိုရိုးစကားလည်း ရှိပါတယ်။

ရှစ်လေးလုံး အရေးတော်ပုံတုန်းက
ကျနော်တို့ မျှော်ခဲ့တာ
နှမ မဟုတ်ပါ
အစ်ကိုကြီး ဦးအောင်ဆန်းဦးကိုပါ။

ဗိုလ်ချုပ်ရဲ့ သားကြီး ဦးအောင်ဆန်းဦး
အမေရိကန် မရိမ်းတပ်တွေနဲ့ 
မြန်မာပြည်ကို ချီတက်လာပြီ …

ဒီသတင်း …
ပြည်တွင်းမှာ တကယ်ဖြစ်ခဲ့တာပါ။

ဒါပေမဲ့
တကယ်ရောက်လာတာက
အစ်ကို မဟုတ်
နှမ အောင်ဆန်းစုကြည်။

ဗိုလ်ချုပ်ရဲ့သမီး
ဒေါ်အောင်ဆန်းစုကြည်။

တကယ် တိုက်ပွဲဝင်တာက
နှမ ဒေါ်အောင်ဆန်းစုကြည်။

ကမ္ဘာ့ ငြိမ်းချမ်းရေးနိုဘယ်ဆုရှင်
မြန်မာ့ ဒီမိုကရေစီခေါင်းဆောင်
ဒေါ်အောင်ဆန်းစုကြည် … တဲ့
နှမပုံရိပ်က အင်မတန်ကြီးပါရဲ့။

အစ်ကိုကြီး ဦးအောင်ဆန်းဦးခင်ဗျာ …
အစ်ကိုကြီးမှာ
ဘာပုံရိပ်မှ မရှိလည်း
ကျနော်တို့က
ဗိုလ်ချုပ်ရဲ့သားမို့  ချစ်နေဆဲပါ။

ဒါပေမဲ့
အခု အစ်ကိုကြီးလုပ်နေတာတွေက
အဖအရာ မရောက်
နှမကို
(နအဖ အလိုကျ)
ချောက်ကျအောင် လုပ်သလိုဖြစ်နေပါပြီ။

ကန်တော့ပါရဲ့
မယားစကား နားယောင်
အစ်ကိုကြီးအမှားတထောင် ကျူးလွန်နေပြီ။

ဘာ့ကြောင့်
ဒေါ်အောင်ဆန်းစုကြည်ကို တိုက်ခိုက်နေရတာလဲ
အစ်ကိုကြီး။

ဒေါ်အောင်ဆန်းစုကြည်ဟာ
(အစ်ကိုကြီးနှမ)
ဒေါ်အောင်ဆန်းစုကြည်သက်သက် မဟုတ်ဘူး။

ဒေါ်အောင်ဆန်းစုကြည်ကို တိုက်ခိုက်တာဟာ
အဖိနှိပ်ခံမြန်မာပြည်သူတွေကို တိုက်ခိုက်တာပဲ။

ဒေါ်အောင်ဆန်းစုကြည်ဟာ
မြန်မာပြည်ပဲ။

အစ်ကိုကြီး
အစ်ကိုကြီးရဲ့ မူမမှန်တဲ့လုပ်ရပ်တွေ
ရပ်တန်းကရပ်ပါ။

သားဦးအရူး
အောင်ဆန်းဦး … လို့တော့
ကျနော် မပြောရက်ပါဘူး။

အချုပ်နှောင်ခံနေရတဲ့ နှမကိုမှ
ဆက်ပြီးနှောင့်ယှက်နေမယ် ဆိုရင်
အစ်ကိုကြီးကို
(ချစ်လျက်နဲ့ )
ကျနော်တို့ စစ်ကြေညာရတော့မယ်။

အောင်ဆန်းဦး အလိုမရှိ
အောင်ဆန်းဦး အလိုမရှိ
အောင်ဆန်းဦး အလိုမရှိ

ညီငယ်
မောင်အောင်ဝေး
ဒီဇင်ဘာ၂၅၊ ၂၀၀၉၊ မစ်ရှီဂန်

Friday, April 20, 2012

ဗိုလ်ချုပ်အောင်ဆန်းအတွက်ဂုဏ်ပြုကဗျာ


 
ပြောလိုက်ပါဘိ ဟောပါဘိ

ငါ့ညီပြောင်ဝင်း ၊ မောင်သစ်ဆင်း
မင်း၏ သက်လှယ် ၊ မင့်သားငယ်သည်
သက် နှစ်ဆယ်ပင်ပြည့်ခဲ့ပြီ။
သူ သုံးနှစ်သား ၊ ဖော်ချင်းများနှင့်
အူယားဖားယား
ကစားရာမှ ၊ နွားရုပ်ချ၍
နတ်ကျသည့်သွင် ၊ မင့် ရင်ခွင်သို့
ပြေးဝင်ပုန်းလာ ၊ သူ့ မူယာကို
ငါမြင်ခဲ့၏ မှတ်မိ၏ ။
မိုးက စိုစို ၊ ကျီးအုပ်ပြို၍
ထိုမှ ဤမှ ၊ တို့လမ်းမတွင်
ပျံကြ ဝဲကြ ၊ ငရဲထ သို့
အုံကြွ မြည်အာ၊ မသာယာကို
ငါကြားခဲ့၏ မှတ်မိ၏ ။
ထိုနေ့၌ပင် ၊ ထိုချိန်ထင်၏
သခင်အောင်ဆန်း ၊ ပြည်သူ့ပန်းသည်
ပွင့်လန်းခါစ ၊ ကြွေလိုက်ရ၏
မြေခ သတင်း ၊ မိုးကြိုးခွင်းသို့
အိမ်တွင်း အိမ်ပြင် ၊ တို့လမ်းခွင်၌
မချင့်မရဲ ၊ ဝမ်းနည်း ခံခက်
မျက်စိ မျက်နှာ ၊ ညှိုးကျရှာသည်
ရွာဦးပိုင်းမှ သင်္ချိုင်းထိ ။
ငါ့ညီပြောင်း ၊ မောင်သစ်ဆင်း
မင်း၏သားငယ် ၊ နှစ်ဆယ် သက်စစ်
သူတို့ခေတ်၌
တိုင်းချစ် ပြည်ခင် ၊ မြတ်စေချင်၏
မင်းမြင် ငါကြား ၊ စကားဥဒါန်း
ဆန်း၏သတ္တိ ၊ ဆန်း၏သမာဓိ
ဆန်း၏ပညာ ၊ ဆန်းမှာ ဆုံပေါင်း
ယောက်ျားကောင်းတို့ ၊ ခေါင်းဆောင်သဘော
မင့် သားချောကို
ပြောလိုက်ပါဘိ ဟောပါဘိ ။
                                                          ဇော်ဂျီ (၁၉၆၄ ဇူလိုင်)


            သခင်အောင်ဆန်းတရား

ငါ့ညီပြောင်းဝင်း မောင်သစ်ဆင်း
မင်း၏သားငယ် ၊ မင့်သက်လှယ်ကို
အဘယ်တရား ဟောမည်နည်း ။
ဆန်း၏ သတ္တိ
ဆန်း၏ သမာဓိ ၊ ဆန်း၏ပညာ
ဟောစရာကား အလွန်များ၏
မင့်သားအရွယ် ၊ သက်နှစ်ဆယ်တွင်
လူငယ်အောင်ဆန်း ၊ သူ့အစွမ်းကို
ပန်းကောင်းတစ်ပွင့် ၊ ပန်ဆင်တင့်သို့
မင့်သား သိစေချင်လှ၏ ။
သူ့အစွမ်းကား အခြားမဟုတ်
အ အုပ်ချုပ်ခံ ၊ မျိုးခြားဒဏ်မှ
မြန်မာလွတ်လမ်း ၊ ခရီးကြမ်းဝယ်
ဗန်းပြအလှ ၊ ပကာသနကို
ပြာကျလောင်မြိုက် ၊ သူမီးတိုက်၏။
ခေတ်လိုက်ခါညီ ၊ ခေတ်မီပညာ
ကြုံရာဘဝ ၊ မုတလုံလောက်၊ ခံမြို့ဆောက်၏။
ထိုနောက်တစ်ဆင့် ၊ မိုးထိလွင့်အောင်
ရိုးကျင့် မြင့်ကြံ ၊ သူ့အလံတည့်
ပျံတလူလူ ၊ သူ ထူခဲ့ကြောင်း ၊ ခေါင်းဆောင်သဘော
မင်းသားချောကို
ပြောလိုက်ပါဘိ ဟောပါဘိ ။
                                                       ဇော်ဂျီ (၁၅ ၊ ၇ ၊ ၁၉၆၆)

   ကျွန်နော်တို့အားလုံးဗိုလ်ချုပ်အကြောင်း မိမိသား ၊သမီး ၊တို့ကို ပြောပြကြပါစို့။

အရူးလို့ခေါ်ပါ



ဓားသွားမြမြပေါ်က  ပျားရည်တစ်စက်
အငမ်းမရ လျှက်ခဲ့တဲ့ကိုယ်
အရူးလို့ဘဲ့ခေါ်လိုက်ပါတော့။      
နှလုံးသားမှာ အမုန်းပွားရလောက်အောင်
အပြစ်တစ်စုံတရာမရှိလေတော့
အမုန်းခံလူသားဘ၀နဲ့
သူ့ကိုချစ်မြဲချစ်နေပါရစေ။
ဒီလိုဆို………….
အရူးလို့ခေါ်လိုက်ပါ။      
အလှကွန်ယက် ဘ၀နွံပွက်ထဲ
မလူးသာ မလွန့်သာ
လှုပ်လေ မြုပ်လေ
 ရုန်းလေ နစ်လေ။         
သတိထားမိလိုက်ပေမဲ့
အသိတရားမရနိုင်တဲ့ကိုယ်၊
အရူးတကာ့ အရူးထဲ
အချစ်ရူး“ဒို့”ကို……..
အရူးလို့ဘဲ့ခေါ်လိုက်ပါတော့။
ဒီက….ကျေနပ်နေပါ့မယ် ။              
                                                လွင့်မောင်မောင်(ထားဝယ်)

လွင့်မောင်မောင် ဟုခေါ်ပါသည်

ဝဿန်ကာလ မိုးစက်များလည်း
ဒို့ရင်ခွင်ထဲ သောကမီးကို
မငြိမ်းသတ်နိုင်ခဲ့။
ဟေမာန်ကာလ နှင်းပွင့်များလည်း
အလွမ်းဆီထိ အသည်းအိအိကို
မအေးစက်နိုင်ခဲ့။
ဒီနေ့ကစ“မေ့လိုက်တော့” တဲ့
မိုးစက် နှင်းပွင့်များသို့
အေးစက်စက်နဲ့ ပြောရက်သူက
ပြောနိုင်ခဲ့ပေမဲ့............
ကိုယ့်မှာ....................
ဂိမာန်ကာလ အရွက်ခြောက်များသို့
ဖြစ်ချင်ရာဖြစ်  လွင့်ချင်ရာလွင့်
ကြွေမဲ့နေရာ  မြေမရှိ။          ။
                                                     လွင့်မောင်မောင်

တို့ဖခင်



                              
                               တို့ဖခင်


သူ
သူသည် ဒါးမခုတ် ၊ တောင်ယာလုပ်သည့်
ကျောမွဲ လူတန်းစားမှ
ဆင်းသက်လာသူမဟုတ် ။
သူ
သူသည် နေပူပူ ၊ မိုးရွာရွာ
ကျွဲ ၊ နွားနှင့်လှုပ်ရှား
လယ်သမားမျိုးရိုးမှ
မွေးဖွားလာသူလည်းမဟုတ်။
သူ
သူ၏အဖေကား
ဝတ်လုံတော်ရ ရှေ့နေမင်း ။
သူ၏အမေကား
မြေပိုင် ၊ လယ်ပိုင်ရှင်
မြို့သူကြီးမျိုးရိုး။
သူ
သူသည် ကျိကျိတက်ချမ်းသာ
လူဂုဏ်တန် အသိုင်းအဝန်းမှာ
လူလားမြောက်လာ ၊ ကြီးပြင်းခဲ့သူ ။
သူ
သူကိုယ်တိုင်လည်း
ကလေကချေ ၊ရွာရိုးကိုးပေါက်
လျှောက်ပြန် သံပေး ၊
ခြေအေးဝမ်းယောင်
ဝေဝေလေလေမဟုတ်။
သူ
သူသည် ကောလိပ်ကျောင်းသား
အတိအကျဆိုရလျှင်….
ဒုတိယနှစ်ကောလိပ်ကျောင်းသား
အသက်ရွယ်က ၂၀ကျော်သာသာ။
သူ
သူသည် …….
သည်နှစ်(ဒုတိယနှစ်)အောင်လျှင်ပင်
မြို့ပိုင် ၊ နယ်ပိုင် ၊ဘုရားထူးခံ
ပုဂ္ဂိုလ်ဖြစ်မည့်သူ ။

ဤသို့………………………

အဘက်ဘက်ကပြည့်စုံ၊
ကုံလုံ နေသူတစ်ယောက်၊
အဘယ်သို့သောအတွေးများပေါက်၍
အဘယ်မည်သော ခွန်အားသုံး၍
အဘယ်မည်သော တွန်းအားဖြင့် ၊
အရာရာကိုစွန့်လွှတ် ၊
ဒုက္ခတွင်းထဲ ၊ဆူးမွေ့ယာပေါ်
ပျော်ပျော်ကြီးအိပ်ခဲ့ပါလိမ့်။
“မ”တစ်ထောင် တစ်ကောင်ဘွား
ဆိုရိုးစကားကို လွန်၊
“မ”သိန်းပေါင်းတစ်ထောင် တစ်ကောင်ဘွား
ဆိုရိုးအသစ် သူထွင်
နိုင်ငံတွင် စံတင်ခဲ့လေပြီ ။   ။
သူ……ဆိုသူကား….
ပဲပြုတ်နဲ့ နံပြားကိုနှစ်သက်သူ..
အာဏာအတွက်မဟုတ်  
ပြည်သူ့အတွက် လက်နက်ဆွဲ၍ထွက်ခဲ့သူ….
လွတ်လပ်ရေးရပြီးရင် နိုင်ငံရေးလောက ကထွက်
 စာရေးဆရာဖြစ်ချင်ခဲ့သူ…
လွတ်လပ်ရေး ဗိသုကာ
တစ်မျိုးသားလုံး၏ ထွက်ရပ်လမ်းကို
ဦးဆောင်လမ်းပြခဲ့သူ……
ဗမာ့တပ်မတော်၏ ဖခင်
တစ်မျိုးသားလုံး၏ဖခင်
မြန်မာနိုင်ငံ၏ဖခင်
သခင်အောင်ဆန်း(သို့မဟုတ်)
ဗိုလ်တေဇ(သို့မဟုတ်)
ဗိုလ်ချုပ်အောင်ဆန်း(သို့မဟုတ်)
တို့ဖခင် ဗိုလ်ချုပ်အောင်ဆန်း ။             ။
                                                        လွင့်မောင်မောင်(ထားဝယ်)
                                                         (18-7-2010    01:30 hr)

စာကြွင်း ။              ။
ဤသို့………………………
အဘက်ဘက်ကပြည့်စုံ၊ကုံလုံ နေသူတစ်ယောက်၊
အဘယ်သို့သောအတွေးများပေါက်၍၊
အဘယ်မည်သော ခွန်အားသုံး၍
အဘယ်မည်သော တွန်းအားဖြင့်
အရာရာကိုစွန့်လွှတ် ၊
ဒုက္ခတွင်းထဲ ၊ဆူးမွေ့ယာပေါ်
ပျော်ပျော်ကြီးအိပ်ခဲ့ပါလိမ့်။
သည်တစ်ချက်နှင့်တင်
သူ့အားကျွန်ုပ်တို့လေးစားထိုက်ပြီ ။
သူ့အားကျွန်ုပ်တို့ ရိုကျိုးထိုက်ပြီ ။
သူ့အားကျွန်ုပ်တို့ မြတ်နိုးထိုက်ပြီ ။
သူ့အားကျွန်ုပ်တို့ ရှိခိုးထိုက်ပြီ ။
သူ့အားကျွန်ုပ်တို့ စံပြုထိုက်ပြီ ။
သူ့အားကျွန်ုပ်တို့ ဂုဏ်ပြုထိုက်ပြီ ။      ။
 ဆရာကြီး(ဆရာဇော်ဂျီ) ရေ……
အခုတော့ …………………………………

                                         လွင့်မောင်မောင် (ထားဝယ်)
                                      (18 – 7 -2010 တနင်္ဂနွေ နေ့  01:30 hr)

Sunday, April 8, 2012

အချစ်ကန္ကရခရီးသည်



အချစ်မရှိသောကိုယ်  အချစ်ငတ်သောကိုယ်

အချစ်မဲ့သောကိုယ်   အသည်းမရှိသောကိုယ်

အပျော်ဆိုတာ…….

တွေရင်း ဝေးခဲ့ရပြီ ချစ်သူ။           ။

သူ့အမုန်းတွေလှိုက်စား

 နှလုံးသားအတွင်းကြေ

အပြင်းစားအမုန်းအက်ဆစ်

တစ်ခွက်တည်းနှင့်ပင်

အသည်းတစ်ခြမ်းလောင်ကျွမ်းပြီ။        ။

ပထမ“သူ”ကို  ချွင်းချက်မှတ်ယူ

ဟော…….နောက်တစ်ယောက်

ဒုတိယ“သူ”လည်း အတူတူ

မာယာအက်ဆစ် ပြင်းပြင်းတစ်ခွက်

ပြုံးပြီးတိုက်သွား…..

ကျန်တဲ့အသည်းတစ်ခြမ်း ကျွမ်းပါပြီ။        ။

နှလုံးသားအဆိပ်တက်

အမုန်းသွေးဆူပွက်ပြီ။

အမုန်းသွေးများလည်ပတ်နေတဲ့

အသည်းမရှိသောကိုယ်  အချစ်မရှိသောကိုယ်

အပျော်ဆိုတာ………

တွေးရင်း ဝေးခဲ့ရပြီချစ်သူ။             ။

လွင့်မောင်မောင်

ဖလံပိုးမို့ မီးကိုတိုးရဲပါသည်



ပိုးဖလံမျိုးမီးကိုတိုး ကိုယ်ကျိုးနဲရပြီ……တဲ့။

ပညာရှိတို့ ကာရံညှိ၍ အမှတ်သညာပြုခဲ့ပါ၏။      ။

 မွေးကတည်းက

အမှောင်တိုက်ကြီးထဲမှာနေ အမှောင်သိုက်ကြီးထဲမှာ

ကြီးပြင်းလာခဲ့တဲ့ဘ၀။

 အလင်းရောင်ကိုမတွေဖူး မမြင်ဖူးတာက

အသက်နှင့်အမျှ ဘ၀တလျှောက်လုံးပါဘဲ့။

 အတောင်စုံပြီဆိုတော့ အပြင်လောကကိုပျံသန်းခွင့်ရပြီ     

ထွက်ခွင့်ရတဲ့အချိန်က အမှောင်ကြီးစိုးတဲ့ အ ကာလ ည။

  အလင်းရောင်……အလင်းရောင်…..

တစ်သက် တစ်ကိုယ် ယခုမှမြင်ဖူးပြီ။

အမှောင်တိုက်ကြီးထဲကလာတဲ့ ဖလံပိုးမျိုး ၊ အလင်းကိုမမက်မောဘဲနေမလား။

စိန်တောင် ရွှေတောင်အမှတ်နဲ့ တိုးပြီပေါ့ မီးကို

သေပြီပေါ့ တစ်ကောင်ပြီးတစ်ကောင်။

 ပိုးဖလံရဲ့ ဇတ်သိမ်း

 လူတွေအမြင်မှာ အမိုက်ဇတ်သိမ်းခန်း

ဖလံပိုးတွေမှာ အလင်းရောင်ကိုဖက်တွယ်ရင်း ပီတိသောမနဿအဟုန်နဲ့

သေပွဲဝင်ခဲ့တာ………..

ပညာရှိတို့အမှတ်သညာမှားပြီပေါ့။        ။

 ကျွန်ုပ်တို့တစ်တွေ ၊ ကျွန်ုပ်တို့တစ်တွေဆိုတာက

အမှောင်တိုက်ကြီးထဲမှာမွေး ၊အမှောင်တိုက်ကြီးထဲမှာနေ

အမှောင်တိုက်ကြီးထဲမှာသေကြမဲ့  ကျွန်ုပ်တို့တစ်တွေ…..

ဖလံပိုးမျှလောက် အလင်းရဲ့အရသာကိုခံစားနိုင်ခဲ့ရဲ့လား

 အလင်းကိုဖက်တွယ်ရင်း သေပွဲဝင်ခဲ့တဲ့ဖလံသူရဲကောင်းများအား

ကျွန်ုပ်အလေးပြုလိုက်ပါသည်။

 အလင်းရောင်ကိုငတ်မွတ်လွန်းသူ၊

အလင်းရောင် အတွက် ဘ၀တွေပေးဆပ်

အသက်တွေပေးအပ်……………….

       အလင်းရောင်အတွက် ပုံစံမျိုးစုံနှင့်အားထုတ်နေသူ အားလုံးအတွက်…….

  ပိုးဖလံမျိုး မီးကိုတိုး

ကိုယ်ကျိုးနဲရပြီ။

နဲသည့်ကိုယ်ကျိုး  ပြည်သူ့အကျိုး

တိုးပွားဝေစည် တို့တိုင်းပြည်

ရွှေပြည်သစ်ဆီ လှမ်းတက်ချီ။            ။

                                      လွင့်မောင်မောင်(ထားဝယ်)
   
တော်လှန်ရေးနေ့အမှတ်တရ
    

Wednesday, March 28, 2012

ဖွဲမီး

အချစ်........
ငါက မင်းကို ကြည့်ကြည့်နေတာ
မင်းက ငါ့ကိုကြည့်ကြည့်နေတာ
ငါလည်းအသိ မင်းလည်းအသိ။ ။
အချစ်........
ငါကမင်းကိုချစ်နေတာ
မင်းက ငါ့ကိုချစ်ချင်နေတာ
ငါလည်းအသိ မင်းလည်းအသိ။ ။
ဒါနဲ့များ....ဒါနဲ့များ
မျက်လုံးချင်းဆုံ ရင်ခုံရမဲ့အစား
ဘာ့ကြောင့်မဲ့မဲ့ပြရသလဲ။ ။
တူနှစ်ကိုယ်တွေ့ကြုံ
အမူပို မျက်နှာထား အပြုံးပန်းဝေရမဲ့အစား
ဘာ့ကြောင့်ဒေါသရိပ်ဆင်
မုန်းဟန်ပြင်ရပါသလဲ။ ။
အချစ်..........
လူ့ဘ၀ရေပွက် ခဏတာအတွက်
လက်ချင်းယှက်လျှက်
ဖွဲမီးထဲကထွက်ကြစို့။ ။
လွင့်မောင်မောင်(ထားဝယ်)

Saturday, January 14, 2012

ချစ်သူသို့

ချစ်သူအတွက်


နှစ်လုံးသားဗဟိုရ်၌ ဖြစ်တည်

အမြစ်တွယ်သည့်ချစ်ခြင်း

မြစ်တစ်စင်းသို့ ၊မကွေ့ကောက်လို

ဒို့၏အကြင်နာချစ်ခြင်း

သံယောဇဉ်လမင်း

သခင့်ရင်ထဲ ၊အနက်ရှိုင်းဆုံးထိ

လင်းလက်စေ ။

လွင့်မောင်မောင်(ထားဝယ်)