Pages

Sunday, March 31, 2013

Good Bye နာဂစ်



မေဇူး သီဖွဲ့သည်

Good Bye နာဂစ်


နာမည်ဆိုးနဲ့  ကျော်ကြားဖို့ 
ငါတို့ ဘ၀ထဲ မင်းဝင်ခဲ့တာလား
နာဂစ်ရယ်။

ရက်စက် ကောက်ကျစ်လှတဲ့
မြွေတစ်ကောင်လို
မင်းရဲ့ ရိုက်ချက်မှာ
အများက မှင်သက်
ငါတို့ အားလုံးလည်း အံ့သြ
ကမ္ဘာက ငေးမောမိလောက်အောင်
မင်း ချွေချခဲ့တဲ့အသက်တွေ ……………။

မြန်မာပြည်ကို နာမည်ဆိုးနဲ့ 
မင်းမွှေနှောက်လို့ 
ငါတို့ ပြည်သူတွေ
ရေကြည်လည်း နောက်ခဲ့ရ
အိမ်တိုင်လည်း ပျောက်ခဲ့ရ
အမိမဲ့သား
ရေနည်းငါးတွေ
နေရာအနှံ့  ပျံ့ လွင့်ခဲ့ရပြီ။

ကိုယ်တိုင် ရင်မဆိုင်ခဲ့ရပေမဲ့
"နာဂစ်ကယ်ဆယ်ရေး" ခေါင်းစဉ်အောက်မှာ
မင်းရဲ့ ရက်စက်မှုကို
မျက်ဝါးထင်ထင် သိခွင့်ရခဲ့ ..….။

မြစ်ကမ်းစပ်နား ချုံတိုင်ကြားမှာ
တင်ကျန်နေတဲ့ အ၀တ်စတွေ
ဖောင်းပွ ဖောသွပ်နေတဲ့ ရေနစ် ကျွဲနွားတွေ၊
လေထုထဲမှာ လှိုင်သင်းနေတဲ့
မင်းပေးခဲ့တဲ့
ရက်စက်ခြင်း သက်သေ
မကောင်းတဲ့ အနံ့ အသက်တွေ၊
စာသင်ကျောင်းလေးတွေမှာ
စာအုပ်တွေ ဝေပြန်တော့
"တအိမ်လုံးမှာ ကျွန်တော် တစ်ယောက်ပဲ လွတ်တာ
သမီး တစ်ယောက်ပဲ ကျန်ခဲ့တာ
ငါ့ကလေးတွေကျောင်းတက်ဖို့ တောင်
မကျန်ခဲ့တော့ပါဘူး” ဆိုတဲ့
အပြစ်မဲ့တဲ့ ရှိုက်သံတွေ ……….။

မင်းသိပ်ရက်စက်ပါလား နာဂစ်ရယ်
မင်း ကျီစယ်ခဲ့တဲ့ နာရီပိုင်းအတွင်းက
ဘ၀များစွာ လွင့်ကြွေခဲ့ရ၊
ပြန်မရနိုင်တော့တဲ့ ဘ၀၊စည်းစိမ်၊အသက်တွေ
ငါတို့ ဘယ်လိုပဲ နှစ်သိမ့်ပေးဆပ်ခဲ့ပေမဲ့
ပျောက်ဆုံးသွားတဲ့ သူတို့ ဘ၀တွေက
အမှန်တကယ်ရော အစားထိုးလို့  ရပါ့မလား။

ညရောက်မှာ
ကြောက်နေတဲ့ အဖိုးအဖွားတွေ၊
တိုးဝင်စရာ မိဘရင်ခွင်
မရှိတော့တဲ့ ကလေးငယ်တွေ၊
ရင်ခွင်ထဲ ထွေးပိုက်စရာ
မရှိတော့တဲ့ မိဘတွေ၊
ဒီလူတွေအားလုံးက
မင်းကို အမြဲသတိရ
နာကြည်းနေကြတယ်
နာဂစ်ရယ်။

၃နှစ်ဆိုတဲ့ အချိန်ပြည့်ခဲ့ပေမယ့်
မင်းကြောင့်
ဒုက္ခရောက်သူတွေအတွက်တော့
ဆုတောင်းခြင်းပဲ ငါတို့ တတ်နိုင်ခဲ့။

မင်းကို တစ်ခုပဲ
ငါတို့ မှာပါရစေ နာဂစ်ရေ။

ဘာအကြောင်းကြောင့်ပဲဖြစ်ဖြစ်
ငါတို့ ဘ၀ထဲကို
မင်း ဘယ်တော့မှ
ပြန်မလာပါနဲ့ တော့လို့  ………။

မေဇူး

30.4.11

Monday, March 25, 2013

► ခေတ်ပျက်ကြီးထဲမှာ လူပြက်တွေအဖြစ် ငါတို့ အသုံးတော်ခံကြတယ် ◄

ဓားကို ကျောက်တုံးပေါ်တင်သွေးမယ့်အစား
ဓားကို စာအုပ်တွေပေါ် တင်သွေး
ဓားကို ကိုယ်ချင်းစာတရားပေါ် တင်သွေး
ဓားကို မျက်ရည်နဲ့သုတ်ပြီး သွေး
တောစပ်ကလေးမှာမီးကျွမ်းနေတာ ငါ့အဖေ
ဘောလုံးကွင်းထဲမှာ စုပြုံကြပ်ညပ်နေတာ ငါ့အမေ
ကြောက်လန့်တကြားပြေးထွက်လာတာ ငါ့ညီလေး
ဒါပဲ မလား။ ဒါလေးပဲမလား။
ဓားကို ဆင်ခြင်တုံတရားပေါ်တင်သွေးစမ်းပါ။

ငါတို့ လူငယ်ဘ၀ဟာ စစ်ပွဲတွေကိုဆန့်ကျင်ကြ
ငါတို့ လူငယ်ဘ၀ဟာ အာဏာရှင်ကိုဝိုင်းဆဲကြ
ငါတို့ လူငယ်ဘ၀ဟာ အနုပညာမှာတိမ်းမူးကြ
ငါတို့ လူငယ်ဘ၀ဟာ ငြိမ်းချမ်းရေးလိုဂိုကိုခေါင်းမှာပတ်ထားကြ
ဒါမှ ငါတို့လူငယ်ဘ၀ကို နှောင်းလူငယ်တွေက စကားထဲထည့်ပြောကြ
အခုတော့..........
လူကိုလူကသတ်နေတာ
လူကိုလူကရိုက်နေတာ
လူကိုလူကပစ်နေတာ
ငါတို့ လူငယ်ဘ၀ဟာ ကျည်ဆံရာဗရပွနဲ့။
ငါတို့ လူငယ်ဘ၀ဟာ မီးလောင်ပြင်မဲမဲနဲ့။
ငါတို့ လူငယ်ဘ၀ဟာ သွေးသံရဲရဲနဲ့။
ငါတို့ လူငယ်ဘ၀ဟာ
မဟုတ်တဲ့နေရာမှာ ကမ္ဘာကျော်တဲ့ တိုင်းပြည်ကိုရွံရှာခြင်းနဲ့။

ဂျပန်ကဖမ်းမိတဲ့နျူကလီးယားပစ္စည်းတွေအကြောင်း
ဆွေးနွေးပွဲနှစ်ကြိမ်အပြီးမှာ တိုက်ပွဲပေါင်း ၁၄၅ ပွဲထပ်ဖြစ်ခဲ့တဲ့အကြောင်း
အားကစား အစား အရက်ဘီယာမှာ ရွှေတံဆိပ်တွေရနေတဲ့အကြောင်း
အဖြူအစိမ်းနဲ့တောင် အပစ်ခံရတဲ့ကောင်မလေးအကြောင်း
နိုင်ငံကိုဖြတ်သွားတဲ့ချုပ်ရိုးကြောင်းကြီးအကြောင်း
ငါတို့နိုင်ငံသား ၁၀ရာခိုင်နှုန်းဟာ ပြည်ပမှာရွှေ့ပြောင်းအလုပ်သမားတွေဖြစ်နေကြောင်း
လူတစ်ယောက်ဟာ အိမ်ခေါ်ပြီးမအေနှမဆဲခံရ၊ပါးရိုက်ခံရတဲ့အကြောင်း
သင်္ကြန်မှာလှိမ့်ဝင်လာမယ့် ကာမစိတ်ကြွဆေးတွေအကြောင်း
မုဒိမ်းကျင့်ခံလိုက်ရတဲ့ လယ်မြေတွေအကြောင်း
ကျောင်းပေါ်ကနှင်ချခံရတဲ့ ဆရာတော်တွေအကြောင်း
ကားပေါ်ကနေ ငေးနေတဲ့ သံမဏိအမျိုးသမီးကြီးရဲ့မျက်ဝန်းအကြောင်း
ကမ္ဘာ့စာရင်းဇယားတွေမှာ ငါတို့နိုင်ငံသားယောက်ျားတစ်ယောက်ဟာ
တစ်နှစ်ပတ်လုံးပျမ်းမျှ ၀င်ငွေ ၁၀၄၇ ဒေါ်လာသာ ရှိတဲ့အကြောင်း
ဒီအကြောင်းတွေမှာ
လက်ဖက်ရည်ဆိုင်အထိုင်မပျက်၊ ဘောလုံးပွဲလောင်းမပျက်
မာဆက်အသွားမပျက်၊ ကာရာအိုကေအဆိုမပျက်၊ ဖုန်းပြောမပျက်
နေထိုင်ခဲ့ကြတဲ့ တံဆိပ်ကပ်ဘာသာဝင်တွေပါ။
အခုမှပဲ ကမ္ဘာကြီးပေါ် ခွေးလိုတက်ဟောင်
အခုမှပဲ မျိုးချစ်စိတ်တွေ ဆီးဟောင်းနံ့လို ထောင်းထောင်းထ
အခုမှပဲ အမှန်တရားကို ပုဆိုးလှန်ပြ
ကိုယ်ချင်းစာတရားဟာ အုတ်ခဲကျိုးတွေ၊ ပြာမှုန်ပြာစတွေကြားမှာ
အစရှာမရတော့ဘူး။

ဘယ်လိုမျက်လုံးနဲ့ ငါတို့မြင်ကြမှာလဲ
သူတို့အနာ သူတို့ဒဏ်ရာဟာ
ထမင်းထုပ်လေးတစ်ထုပ်နဲ့ ပျောက်ရောလား
ရွက်ဖျင်တဲလေးတစ်တဲနဲ့ ပျောက်ရောလား
အားပေးစကားလေးတစ်ခွန်းနဲ့ ပျောက်ရောလား
သူတို့အနာ သူတို့ဒဏ်ရာဟာ
မနက်မိုးလင်းတိုင်းမှာ စိတ်ကိုတစ်လွှာချင်း
ခွာချနေမယ့် သမိုင်း။
ညကို ဆွဲကြိုးချနေမယ့် အိပ်မက်။
ပြောတိုင်း တဆတ်ဆတ်တုန်နေမယ့် နှုတ်ခမ်း။

ဘယ်တရားဓမ္မမှာ နံပါတ်တွေရှိခဲ့တာလဲ
သိဒ္ဓတ္ထမင်းသားဟာ နန်းတော်ကအထွက်မှာ နံပါတ်တွေရေးခဲ့သလား
ခရစ်တော်ယေရှုဟာ ကားစင်ပေါ်မှာနံပါတ်တွေရွတ်နေသေးလား
တမန်တော်မိုဟာမက်ဟာ နံပါတ်တွေအကြောင်းပြောပြခဲ့တာလား
လူလိုစားရင် လူလိုတွေးစမ်းပါ
လူကျင့်တရားမှာ ကိုယ်ကျင့်တရားကပ်စမ်းပါ

ခေတ်အဆက်ဆက်ဓားတွေအောက်မှာနေလိုက်
ခေတ်အဆက်ဆက်သေနတ်တွေအောက်မှာနေလိုက်
ငါတို့ခေတ်ဟာ အခုမှစထွက်ဖို့ အထုတ်အပိုးပြင်နေရုံလေးတင်ပါ
ငါတို့သားသမီး ငါတို့မြေးမြစ်တို့ရဲ့သမိုင်းကို
ပန်းခင်းကြီးထဲမှာ ငှက်ကလေးတွေပျံနေသလို
စမ်းရေအေးတွေစီးနေသလို ဖန်တီးထားခဲ့ချင်တယ်။
ကြောက်တယ်...သူတို့အတွက် ငါတို့ကြောက်ရမယ်။

သမိုင်းမှတ်တမ်းရုပ်ရှင်ရိုက်ရင် နိုင်ငံတကာဆုတွေချိတ်လို့။
ကမ်းလင့်နေတဲ့ဓာတ်ပုံတွေဟာ ပူလစ်ဇာဆုတွေချိတ်လို့။
ဒီထက်ဘာများ အကျိုးအမြတ်ရှိမှာလဲ
မည်းတူးညှော်ရော်နေတဲ့စိတ်နဲ့ပဲ
မျက်လုံးအောက်အနားကို ပွတ်သုတ်
ငါတို့မနက်ခင်းကို ငါတို့လင်းကြမယ်
ဥပနိဿယပစ္စယော.....။



ဟိန်း
၂၄.၃.၂၀၁၃

ဥပနိဿယပစ္စယော = သတ္တ၀ါအားလုံးသည် မကောင်းသောပညတ်၊နာမ်ရုပ်တရားတို့နှင့် မကောင်းသောမိဘ၊ ဆရာ၊ မိတ်ဆွေ၊ ရာသီဥတု၊ နေရာထိုင်ခင်း၊ အစားအသောက်တို့ ၌ အားကြီးသောမှီခိုရာအဖြစ် အမှီမပြုကြဘဲ ကောင်းမြတ်သောပညတ်၊ နာမ်ရုပ်တရားများနှင့် ကောင်းမြတ်သော မိဘ၊ ဆရာ၊ မိတ်ဆွေ၊ ရာသီဥတု၊ နေရာထိုင်ခင်း၊ အစားအသောက်တို့၌သာ အားကြီးသောမှီရာအဖြစ် မှီကြရ၍ ကောင်းကျိုးအမျိုးမျိုးတို့ ကိုသာ ခံစားရရှိနိုင်ကြပါစေ။

www.heinnfivestrings.blogspot.com